بشار الاسد اسلام کی آبرو/ دشمن کے مقابلے میں فرنٹ لائن پر بر سر پیکار

ابنا: ترکی کے شیعوں کے رہبر صلاح الدین اوز گوندوز نے تہران میں دائر اسلامی بیداری سیکٹریٹ کے جلسے میں شورائے عالی کے ارکان کے مجمع میں کہا: امت اسلامی اس وقت بیدار ہو گئی ہے کہ فلسطین کی نجات سب سے پہلا مسئلہ ہے اور یقینا فلسطین کی آزادی شام کو کمزور کرکے یا اس کے سلسلے میں خاموش رہ کر ممکن نہیں ہے اس لیےکہ شام اس وقت فلسطین کی حمایت کی قیمت چکا رہا ہے ۔اوز گوندوز نے ایران اور ترکی کے مابین دشمن کے ذریعے اختلاف پیدا کرنے کو امت اسلامی کے لیے بد ترین کام بتایا اور شام کے صدر بشار اسد کا شکریہ ادا کرتے ہوئے کہا:وہ اسلام کی آبرو ہے اور اس نے اب تک مقاومت کے قلعے کی حفاظت کی ہے۔انہوں نے آخر میں ترکی کی سعادت پارٹی کی شام کے امور میں مداخلت کی مخالفت کا ذکر کیا اور کہا دشمن جب ہم پر مسلط نہیں ہو سکتا تو وہ مسلمانوں کی صفوں میں نفوذ کر کے ان کو ایک دوسرے کے ساتھ لڑانے کی کوشش کرتا ہے۔۔۔۔۔۔۔۔۔۔۔۔۔۔۔۔۔۔۲۴۲